Lobimi rus, Berisha-Bashës: Deklaro ku i more paratë, as Rama nuk të shpëton

Kryetari i Partisë Demokratike, Sali Berisha deklaroi se çështja e financimit rus të kësaj force politike nuk do të mbyllet, por së shpejti do të fillojë punën auditi për të gjetur origjinën e parave.

Në një deklaratë për mediat nga selia blu, Berisha iu drejtua Bashës duke i thënë që të dalë para qytetarëve dhe të tregojë se ku i mori paratë.

Ndër të tjera, ai nënvizoi se as kryeministri Edi Rama nuk do e mbrojë më Bashën.

“Asnjë hetim, sepse nuk e linte Rama. Janë dëshmi të lidhjeve të Edi Ramës me pistën ruse të Lul Bashës. Pse do ndërhynte? Edhe sot i them Bashës, mos kujto se mbyllet ky problem, jo. Do dalësh të deklarosh, t’u thuash shqiptarëve, mos mendo se kalohet kjo me mbrojtjen që i bën Edi Rama.

Auditi do të fillojë shpejt punën. Unë u shpjegova se kanë marrë çdo gjë me vete, edhe hard disqet edhe çdo gjë. Ne do bëjmë të pamundurën për atë që hetim që mund të bëjmë”, theksoi kryedemokrati.

LEXONI GJITHASHTU

• Berisha tregon çështjen për të cilën Rama po hetohet nga FBI
• Rama ka qenë dhe është në hetim ndërkombëtar, thotë Berisha
• Berisha: Në sulmin kibernetik morën pjesë hakera iranianë, shqiptarë, rusë dhe serbë