Këshilli Kombëtar i PD-së shtyn votimin e rregullores së primareve për të shtunën

Këshilli Kombëtar i PD-së ka miratuar grupin e punës për auditimin e financave të PD në zgjedhjet e 2017-ës.

Burime bëjnë me dije se votimi i rregullores së primareve është shtyrë për të shtunën (1 tetor).

Mësohet se anëtarët kanë kërkuar kohë të njihen me dokumentin e primareve, të cilin e morën vetëm pak minuta para se të niste mbledhja e Këshillit Kombëtar.

Sipas dokumentit të primareve kandidatët evidentohen përmes vetëpropozimit, propozimit nga anëtarësia ose propozimi nga organet qendrore të partisë.

Kryetarët e degëve që futen në primare duhet të japin dorëheqjen nga drejtimi i degës.

“Procesit të seleksionimit dhe përzgjedhjes paraprake nuk i nënshtrohen deputetët e Partisë Demokratike dhe kryetarët e bashkive në detyrë. Ata kualifikohen drejtpërsëdrejti për të garuar në primare. Anëtarët dhe simpatizantët e partisë ushtrojnë lirisht të drejtën e tyre të votës në primare, pa asnjë dallim, në përputhje me modalitetet e parashikuara në këtë rregullore”, thuhet në dokumentin e PD.

LEXONI GJITHASHTU: 

• Zbardhet drafti, si do të organizohen primaret në PD
• Partia Demokratike mbledh Këshillin Kombëtar