Biberaj: Alibeaj nuk është peng i Ramës

Anëtari i Këshillit Kombëtar të Partisë Demokratike, Aleksandër Biberaj thotë se Enkelejd Alibeaj nuk është peng i kryeministrit Edi Rama, sikurse ka deklaruar më parë kryedemokrati Sali Berisha.

Në një intervistë për Euronews Albania, Biberaj u shpreh se Alibeaj është produkt i Partisë Demokratike, karriera e të cilit është promovuar nga vetë Berisha.

“Nuk do ta pëlqeja që ta besoja dhe nuk besoj se puna ka shkuar aq keq. Zoti Alibeaj është një produkt i Partisë Demokratike, vjen nga shtresa e të persekutuarve. Nuk do shkoja kaq larg. Përderisa po flasim me emër konkret, karrierën zotit Alibeaj, ia ka promovuar Sali Berisha.

Zoti Alibeaj ka ardhur në qeverisje në vitin 2005, ka drejtuar Njësinë Anti-Korrupsion, më pas është bërë ministër i Drejtësisë. Mendoj se zoti Alibeaj, edhe në raportet personale me zotin Berisha duhet të ishte më i kujdesshëm”, theksoi ai.

LEXONI GJITHASHTU

• ‘Përsërit garën’, Evi Kokalari tregon bisedën me Berishën: PD të bëhet parti serioze
• Berisha: Hakerat qeveritarë sulmuan sistemet për të fshehur gjurmët
• Miq dhe armiq, ‘romanca’ e vështirë politike Meta-Berisha në 22 vjet