Mërtiri: Mes Berishës e Metës ka rivalitet, kreu i PL ka kontakte me ndërkombëtarët

Sociologu Ergys Mërtiri është shprehur se mes kreut të Partisë së Lirisë Ilir Meta dhe kreut të Partisë Demokratike Sali Berisha ka rivalitet.

Në një intervistë për Euronews Albania, Mërtiri theksoi se forca e Metës po rritet dhe një nga arsyet sipas tij janë kontaktet që ka me ndërkombëtarët.

“Unë këtë koalicion e shoh jo shumë të harmonizuar, shoh një lloj rivaliteti mes Metës dhe Berishës dhe sigurisht që forca e Metës është rritur tashmë që nuk është president por është në krye të partisë. E shoh të rritur forcën e Metës për vetë faktin që ka kontakte me ndërkombëtarët, ka kontakte me partnerët e huaj, ndërkohë që Berisha është ‘Non Grata’.

Këtë koalicion nuk e shoh shumë të shëndetshëm. Mendoj se rivaliteti mes Berishës dhe Metës do të rritet. Meta po krijon aksionin e vet opozitar dhe nga ana tjetër Berisha nuk po e mbështet as për qokë, aksionin e Metës”-deklaroi Mërtiri.

Ndër të tjera Mërtiri theksoi se rivaliteti mes Berishës dhe Metës do të ndikojë negativisht për opozitën.

“Kjo do të sjellë rivalitet mes tyre dhe kjo do të jetë problem për opozitën”- tha ai.

LEXONI GJITHASHTU: 

• Zbulohet një bazë armatimesh në Tiranë, sekuestrohen armë të rënda
• Alibeaj tregon çfarë bisedoi me ambasadoren Kim: Do ketë edhe takime të tjera
• “PD mbështet çdo kërkesë të pedagogëve”, Berisha reagon për protestën e pedagogëve