Rrëfimi i Mirelës, gruas që mundi kancerin: Do jetoj, nuk më mposht asgjë

Mirela Shehu, një vit më parë do të futej në sallë të operimit, pa e ditur nëse do të dilte apo jo gjallë. Një gjendër në gjoks po i rrezikonte jetën.

“Para një viti u diagnostikova nga kanceri i gjirit. Gjoksi m’u bë shumë i dukshëm, diçka nuk po shkonte me trupin tim, pata enjtje të gjoksit”, u shpreh ajo.

Diagnostikimi me kancer të gjirit e tronditi. Moskryerja e kontrolleve kishte bërë që sëmundja të ishte një hap para saj.

“Në stadin e dytë, mendimi i parë m’u dhimbs jeta. Stafi i onkologjikut më tha ‘Ke bërë një gabim të madh, po ta kishe kapur që në moment, mbase gjoksi nuk do të hiqej’”, tregoi ajo.

Një grua që gjithmonë kurohej për t’u ndjerë dhe dukur e bukur, tani duhej të përballej me ndryshimet në trupin e saj.

“Që në terapinë e parë mua më ra floku,e kisha flokun e gjatë, i shkurtova; dhe mendo, kur laheshe të binte floku, ishte diçka e dhimbshme. Kam qenë gjithmonë një grua e mbajtur, nuk po mendoja të dukesha e bukur”, tha ajo më tej.

48 vjeçarja nuk iu dorëzua sëmundjes. Donte të gëzonte vajzën e saj.

“Thashë, unë do jetoj që të kryej misionin si nënë. Frikën e ndjeva, por i dhashë forcë vetes”, u shpreh ajo më tej.

Mirela ka një thirrje për çdo grua: të bëjë mamografinë, pasi mund të jetë shumë vonë.

“Falenderoj zotin për këtë dhuratë, jeta është një dhuratë për mua, e kam një jetë të dytë”, tha ajo.

LEXONI GJITHASHTU:

• Dhuna në protestat për hixhabin, SHBA sanksionon 7 zyrtarë iranianë
• Pas Enver Hoxhës, Berisha lideri më i refuzuar, thotë Bejko
• Banorët e Fierit protestë para SPAK, akuzojnë Subashin për tjetërsim pronash