Thesaret e familjeve mbretërore evropiane ekspozohen në Nju Jork

“Metropolitan Museum of Art”, muzeu më i madh i Shteteve të Bashkuara, do të shfaqë për herë të parë një ekspozitë enciklopedike.

Thesare të çmuar me prejardhje nga familjet mbretërore të Evropës do të jenë pjesë e ekspozitës që do të mbahet në “Metropolitan Museum of Art” në Nju Jork.

Rreth 170 sende me vlerë nga shekulli i 16-të dhe 18-të, nga oborret e familjeve mbretërore të Evropës do të jenë pjesë e ekspozitës unike, e cila do të qëndrojë e hapur për publikun deri në mars të vitit 2020.

Ekspozita pasqyron zhvillimin e teknologjisë përgjatë revolucionit industrial, nga mesi i viteve 1500 deri në mes të viteve 1700.

Vizitorët e muzeut do të kenë mundësinë të shohin diamantin e gjelbër natyral më të madh në botë.

Gjithashtu, pjesë e ekspozitës do të jenë sende të tjera me vlerë, si orë, orendi shtëpiake dhe bizhuteri nga e shkuara.