‘620 sulme në qendrat shëndetësore’, OBSH paralajmëron dimër të ashpër në Ukrainë

Organizata Botërore e Shëndetësisë (OBSH) ka paralajmëruar për afrimin e një “dimri të ashpër” në Ukrainë, pasi sulmet e vazhdueshme ruse me raketa kanë shkaktuar dëme të mëdha në infrastrukturën civile dhe shëndetësore.

Hans Kluge, drejtor për Evropën në OBSH, ka thënë përmes një deklarate më 14 tetor, se do të vazhdojë ndihma për Kievin, pasi organizata do të jetë aktive në Ukrainë, shkruan Radio Evropa e Lirë.

Kluge ka paralajmëruar se dimri do ta bëjë mbijetesën edhe më të vështirë për ukrainasit që janë në zonën e luftës, dhe ka bërë thirrje për riparim të menjëhershëm të qendrave të shkatërruara shëndetësore, si pasojë e sulmeve ruse.

“Prioriteti kryesor është që të veprohet ndaj dëmit që është shkaktuar në qendrat mjekësore si pasojë e sulmeve të fundit. OBSH ka konfirmuar të paktën 620 sulme në qendrat shëndetësore prej nisjes së luftës në muajin shkurt. Ne duhet të rrisim mbështetjen për procesin e rindërtimit”, ka thënë Kluge.

LEXONI GJITHASHTU:

• Elon Musk ‘hakmerret’ ndaj Ukrainës: ‘Nuk ju mbështes dot më’
• Vendet e BE-së ofrojnë trajnime në fushën e betejës për ushtarët ukrainas
• Ukrainë, raketa ruse godet qytetin e Zaporizhia