Berisha mbështet pedagogët: Rama të plotësojë me urgjencë kërkesat e tyre

Kreu i Partisë Demokratike Sali Berisha, u shpreh për gazetarët para Kuvendit se përkrah protestën e pedagogëve dhe se kryeministri Edi Rama duhet të plotësojë me urgjencë kërkesat e tyre.

“Sot është protesta kombëtare e pedagogëve. Shpreh mbështetjen për pedagogët dhe studentët, që janë ngritur për kërkesat më elementare, për të drejtat më elementare. Për rroga, autonomi dhe kërkime shkencore. I kërkoj Edi Ramës të plotësojë me urgjencë kërkesat e universiteteve. Ajo nuk është grevë e PD, është grevë e sindikatave. Por PD si forcë që mbështet çdo kauzë të drejtë, do bëjë gjithçka për prevalimin dhe respektimin e të drejtave dhe kërkesave të tyre”, u shpreh Berisha.

Ai shtoi më tej se demokratët po përgatiten për protesta.

“PD po i përgatit protestat. Mbrëmë u bë mbledhja me të gjithë kryetarët e degëve dhe forumit rinor për Tiranën dhe u dhanë udhëzimet për një përgatitje intensive. Do vazhdojnë takimet me partnerët, aleatët, me Frontin për Shpëtimin e Shqipërisë. PD do jetë në protestë, në protestë, në protestë”, tha ai më tej.

LEXONI GJITHASHTU:

• VIDEO| Berisha kërkon të flasë për vdekjen e 32-vjeçarit, s’i jepet fjala në Kuvend
• Vdekja e 32-vjeçarit, reagon spitali i Traumës
• FOTO/ Kush është i riu që ndërroi jetë pas shoqërimit në komisariat