Berisha: Rama vërsulet si bandit kundër Shehajt, i mbyll biznesin pa asnjë provë

Kryetari i Partisë Demokratike, Sali Berisha deklaroi se kryeministri Edi Rama sulmon kundërshtarët e tij politikë, duke iu referuar denoncimit të deputetit demokrat, Agron Shehaj, i cili tha se policia i mbylli biznesin dhe terrorizoi punonjësit.

Gjatë fjalës së tij në seancën plenare në Kuvend, Berisha u shpreh se e ka kthyer Strukturën e Posaçme (SPAK), kundër opozitës.

“Sulmon si i tërbuar kundërshtarët politikë. Bën gjyqin e opozitarëve njëri pas tjetrit. E ka shndërruar skapin në repart kundër opozitës. Vërsulet kundër Agron Shehaj dhe i vë shiritin si bandit, pa asnjë dokument, pas asnjë provë, fakt. I mbyll ndërmarrjen paçka se aty janë 200 familje që mbahen me rroga. Po, po. Pse çuditeni ju. Ky është trashëgimtari i së keqes. Ky ka vetëm keqësi shpirtërore, pa norma e moral. Nuk ka ligj”, theksoi kryedemokrati.

LEXONI GJITHASHTU

• Agron Shehaj e denoncoi për mbylljen e biznesit, reagon kryeministri Rama
• ‘Hakmarrje e Ramës’, denoncimi i deputetit Shehaj: Policia më mbylli biznesin