Dhunë në polici? Nis hetim për shefin e krimeve në Devoll

Shefi i krimeve në komisariatin e Devollit është vënë nën hetim për veprën “kryerja e veprimeve arbitrare”. Mbrëmjen e djeshme janë shoqëruar në komisariat shtetasja Deizi Arapi dhe shtetasi Marsel Buçi, të përfshirë në konflikt për djegien e makinës së këtij të fundit.

Burime për Euronews Albania bëjnë me dije se gjatë konfliktit në komisariat mes palëve, familjarët e Marselit kanë telefonuar deputetin Bledjon Nallbati i cili ka qenë prezent në ambientet e jashtme të komisariatit për t’u interesuar për ngjarje

Sipas burimeve nga policia, Marsel Buçi pretendon se shefi i krimeve e ka goditur në zyrë, ndërsa është bërë ankesë pranë AMP-se cila po bën hetime lidhur me këtë rast. Mësohet se shefi i krimeve është pezulluar për 3 ditë deri sa të vendoset përfundimisht nga hetimet nëse do të ketë shkelje të tij apo do të rikthehet në punë.

LEXONI GJITHASHTU:

• I dogjën makinën të riut në Devoll, arrestohet 35-vjeçari, në kërkim i vëllai
• Punonjësit të karburantit i digjet makina, u akuzua nga Deizi Arapi