Vdekja e Lear Kurtit, avokati: Dyshoj se është rast i përsëritur i Klodian Rashës

Avokati Arbër Hoxha dyshon se vdekja e Lear Kurtit është rast i përsëritur i 25-vjeçarit Klodian Rashës, i cili u vra nga policia mëngjesin e 8 dhjetorit 2020.

Në një intervistë për Euronews Albania, Hoxha theksoi se nëse do të mbahej përgjegjësi për këtë ngjarje, të vetmit që do dilnin para drejtësisë do ishin policët e patrullës e jo zinxhiri i komandues.

“Dyshoj se është një rast i përsëritur i Klodian Rashës. Do të doja të ishte e kundërta, pra si Autoriteti i Mbikëqyerjes së Policisë së Shtetit ashtu edhe Shërbimi i Kontrollit të Brendshëm dhe Policia e Shtetit të mos kenë kryer asnjë veprim arbitrar ndaj të ndjerit Kurti. Në këtë rast ka një shpërdorim detyre dhe maksimalisht është një vrasje nga pakujdesia. Deri më tani askush nuk ka mbajtur përgjegjësi për gjërat që ndodhën dhe ky është një problem që ka Shqipëria, e kjo është arsyeja se përse njerëzit ikin çdo ditë.

Edhe sikur do të mbanin përgjegjësi penale, do të përgjigjeshin ata policë të patrullës. Do të jenë vetëm ata që do përgjigjen para drejtësisë penale. Ndërkohë që zinxhiri komandues nuk do të mbajë asnjë përgjegjësi”- theksoi ai.

LEXONI GJITHASHTU: 

• Prokuroria nis hetimet për vdekjen e Lear Kurtit
• Ekskluzive/ Itinerari i Lear Kurtit, nga shoqërimi në polici tek humbja e jetës
• Gazetari i Euronews Albania tregon detajet nga pamjet filmike të natës kur u vra Klodian Rasha