Kapen me 1 mln euro drogë, arrestohen 5 shqiptarë në Gjermani

Pesë shqiptarë, anëtarë të një bande të trafikut të drogës, janë arrestuar në Gjermani

Mediat gjermane bëjnë me dije se shqiptarët kanë trafikuar 136 kilogramë marijuanë, vlera e së cilës në treg shkon rreth një milion euro.

Shqiptarët të moshës 50, 40, 38, 27 dhe 22 vjeç kanë dashur të ngarkojnë tufa me lule me bimë kanabis pranë një magazine në Velten, në veri të Berlinit dhe t’i përgatisnin për rishitje.

Mësohet se hetuesit në dogana dhe policia kishin vëzhguar prej kohësh bandën dhe përgjonin telefonat e tyre.

Autoritetet kanë ndërhyrë në momentin që katër shqiptarët kanë nisur të shkarkojnë drogën nga makina e Mercedesit e drejtuar nga 50-vjeçari.

Gjithashtu zyrtarët konfiskuan 32,990 euro, që besohet se kanë ardhur nga shitja e drogave të tjera.

Një gjykatës lëshoi ​​urdhër arresti për të pesë burrat. Sipas raportimeve, policia është në kërkim të anëtarëve të tjerë të bandës ndërkombëtare.

LEXONI GJITHASHTU: 

• Furnizoi Romën me kokainë, del nga burgu ‘mbreti shqiptar i trafikut të drogës’
• ‘Hetoni Berishën’, gazetari: SHBA nuk mbështet asnjë opozitë që i del kundër
• Ilir Meta në selinë e PD-së, takim me Sali Berishën