Lapaj: Të thyhet mungesa e garës në Shqipëri, duhet ligj për referendumet

Avokati Adriatik Lapaj, në një intervistë për Euronews Albania, është shprehur se duhet të thyejmë mungesën e garës në vendin tonë.

Lapaj tha se Shqipërisë i duhet patjetër ligji për referendumet dhe ndryshimi i ligjit zgjedhor.

“Ne duhet ta thyejmë pa diskutim mungesën e garës, nuk ka rrugë tjetër. Shqipërisë  i duhet një ligj i posaçëm për referendumet dhe e dyta, ndryshimi i ligjit zgjedhor duke hapur garën dhe duke krijuar mundësi që të mirët të afrohen në partitë politike në mënyrë që të gjenerohet shpresa; e duke u ringjallur shpresa, njerëzit fillojnë të shikojnë se gjërat mund të ndryshojnë”- shprehet avokati.

Më tej, ai theksoi se me militantizëm nuk shkohet përpara.

“Shpresë ka shumë, por njerëzit duhet ta kuptojnë se me militantizëm nuk shkohet përpara. Duhet të jenë militantë të përditshmërisë së tyre e jo militantë të partisë që u ka lënë gjyshi”-nënvizoi Lapaj.

LEXONI GJITHASHTU: 

• Meta paralajmëron Ramën dhe Bashën: Do kenë fatin e Musolinit dhe Klaretës
• Hapje e dosjeve, Papa: Do nxit debat, duhet të përballemi me të kaluarën komuniste
• Në Serbi po zhvillohet stërvitje e madhe ushtarake, thotë Vuçiç