33 ditë në këmbë, Grabocka: Ecnim 25 km në ditë gjatë pelegrinazhit në Spanjë

Dy shqiptarët, Arnold Grabocka dhe Ili Gërdupi morën pjesë në Pelegrinazhin e Santiagos në Spanjë dhe udhëtuan në këmbë për 33 ditë për të arritur në destinacion.

Në emisionin “Good Morning Albanians” në Euronews Albania, Grabocka u shpreh se mesatarja e ecjes në këmbë ishte 25 km në ditë.

“Ili ecte pak më ngadalë, teksa unë po rehabilitohesha. Këshilla ishte që të ndaloja ecjen në atë moment, edhe njerëzit atje që kishin më shumë eksperiencë. Aty kishte mjek. Spanja ka një sistem shëndetësor fantastik. Unë pyeta një mjek dhe më tha të mbaj pak më lehtë ditët e para. Një ditë eca vetëm 12 km. 25 km ishte mesatarja ditore; një ditë na shkoi edhe 34 km”, theksoi ai.

Pelegrinazhi në Camino de Santiago zhvillohet që nga viti 872 dhe çdo vit ka mesatarisht 50 mijë pelegrinë që e frekuentojnë.

Këtë vit numri ishte mbi 400 mijë për shkak se ishte shpallur nga Papa si vit i shenjtë Jakobian dhe se prej pandemisë, nuk mund të bëhej 2 vitet e shkuara.

LEXONI GJITHASHTU

• Teologu Miron Çako: Njeriu i parë jetoi 960 vjet, vdiq aksidentalisht
• Boksieri shqiptar pa humbje: Dua të realizoj një ndeshje të rëndësishme në Shqipëri
• Shpëtim Nazarko: Emri i ish-ministrit të Berishës me dosje