Animalistja: Konsumoj molusqe, produkte të bulmetit dhe vezë të pafekonduar

Animalistja, Jonida Çobani Gjoka thotë se ka pesë vjet që ka hequr dorë nga konsumimi i mishit.

Në emisionin “Good Morning Albanians” në Euronews Albania, Gjoka u shpreh se konsumon molusqe, produkte të bulmetit dhe vezë të pafekonduar.

“Në botë është bërë gjithmonë propagandë kundër mishit, jo vetëm për shëndetin e njeriut por edhe për shëndetin e këtij planeti. Ka 5 vjet që kam hequr dorë nga mishi, absolutisht asgjë. Jam vegjetariane, sepse unë ha molusqet, frutat e detit, akoma nuk kam hequr dorë. Mundohem edhe bulmetin, e ha, edhe vezën e pafekonduar”, theksoi ajo.

Sipas një studimi të ri, konsumimi i mishit duhet të reduktohet me maksimum dy hamburger në javë. Kjo mund të jetë një mënyrë e mirë që të shpëtojmë edhe mjedisin.

“The State of Climate Action 2022″ shqyrtoi progresin global të 40 treguesve që do të ishin kyç për përgjysmimin e emetimeve globale të gazeve serrë deri në vitin 2030, në përputhje me qëllimin për të kufizuar rritjen e temperaturës.

Aktivistët dashamirës të kafshëve kanë thënë për dekada se niveli ynë i konsumit të mishit është i dëmshëm në disa mënyra thelbësore, dhe së fundmi shkencëtarët e ndryshimeve klimatike kanë shqyrtuar se si industria e mishit ndikon në ndryshimin e klimës.

Hulumtimi i ri nga ekonomistët sugjeron se njerëzit në BE duhet të reduktojnë konsumin e tyre të mishit me 75%.

LEXONI GJITHASHTU

• ​‘Shqiptarët s’adoptojnë kafshë rruge’, animalistja: Mos hani mish, 3 ditë s’tretet
• Zimbabve po zhvendos 2500 kafshë të egra për t’i shpëtuar nga ndryshimet klimatike
• Nga vjen mishi që hamë? Konsumojmë mbi 180 mijë tonë në vit, importi zë më pak peshë