BE reagon pasi zv.kryeministrit të Kosovës iu ndalua hyrja në Beograd

Bashkimi Evropian ka reaguar pas zëvendës kryeministrit të Kosovës, Besnik Bislimit nuk iu lejua hyrja në Beograd, për të marrë pjesë në një forum ndërkombëtar.

Zëdhënësi i BE-së, Peter Stano vizitat zyrtare mes Kosovës dhe Serbisë, luajnë një rol të rëndësishëm në avancimin e normalizimit të marrëdhënieve dhe mirëkuptimit ndërmjet palëve dhe se ato, nuk duhet të politizohen.

Sipas tij, kërkohet nga të dyja palët, që të zgjidhin çdo mosmarrëveshje dhe keqkuptimet e tilla në dialog dhe në mirëbesim, duke përdorur kanalet e vendosura të komunikimit të Zyrtareve Ndërlidhëse.

“Të dyja palët duhet të respektojnë të gjitha marrëveshjet e kaluara dhe të zbatojnë detyrimet që janë në pritje, përfshirë këtu edhe vizitat zyrtare”, theksoi ai.

Vetë Bislimi, ka deklaruar se moslejimi i vizitës së tij në Beograd, është sinjal se Serbia nuk është e gatshme për normalizim të marrëdhënieve.

LEXONI GJITHASHTU

• S’u lejua në Beograd, Bislimi: Serbia nuk është e gatshme për normalitet me Kosovën
• Zëvendëskryeministrit të Kosovës i ndalohet vizita në Beograd
• A do të rikthehen tensionet në veri? Kurti refuzon të shtyjë marrëveshjen për targat