Mungesa e ilaçit ‘jetëshpëtues’, vetëm 30 Rukonest, por në Tiranë janë 60 të sëmurë

Silvana Bastri prej vitesh vuan nga Angieoedema, e njohur ndryshe si mungesë e proteinës në gjak. Një gjë e tillë shkakton endema nën lëkurë.

Deri më tani sëmundja e saj nuk ka përparuar aq sa t’i rrezikojë jetën, por Silvana është e shqetësuar për të ardhmen, pasi në Shqipëri, ka një mungesë së theksuar të ilaçit jetëshpëtues, siç ajo e quan.

“Aktualisht kemi 30 flakonë Rukonest, të tenderuar në vit. Ky ilaç nuk është kurues, vjen vetëm në momente kur ke endema të rënda në rrugët e frymëmarrjes, e thënë në gjuhën popullore”, thotë Silvana.

Në Tiranë janë 60 persona që vuajnë nga kjo sëmundje. Në rrethe nuk ka një shifër.

“Mjekët janë përpara një dileme pasi dhe vetë ata nuk e njohin shkencërisht këtë sëmundje. Vijnë vetëm 30 copë, ndërkohë vetëm në Tiranë janë 60 pacientë”, shprehet ajo.

Nuk kanë munguar as rastet e humbjes së jetës. Më i fundit, Silvana tregon se ka qenë në shkurt, rasti i një djali 23-vjeçar.

Ajo bën thirrje që autoritetet të kthejnë vëmendjen nga këta pacientë, për të mos pasur vdekje të tjera.

LEXONI GJITHASHTU:

• Studiuesit në SHBA zbulojnë ilaçin që zhduk kancerin
• Cili është ilaçi që thuhet se i bën ballë çdo mutacioni të Omicron?