Ushtria serbe në gjendje gatishmërie, pas vendimit të qeverisë së Kosovës për targat

Ministri i Mbrojtjes së Serbisë, Millosh Vuçeviç tha se ushtria serbe është vënë në gjendje gatishmërie për shkak të situatës në Kosovë, pas vendimit të qeverisë për targat.

Ministri i Mbrojtjes nënvizoi se këtë urdhër e ka dhënë presidenti i këtij vendi, Aleksander Vuçiç.

Lajmi vjen pasi ministri i Brendshëm i Kosovës, Xhelal Sveçla, tha në orët e para të së martës se Policia e Kosovës ka nisur me zbatimin e planit të Qeverisë së Kosovës për riregjistrimin e makinave me targa të paligjshme, që i lëshojnë autoritetet serbe.

Vendimi i marrë nga qeveria e Kosovës është në 3 faza: E para përfshin qortimin e shoferëve që vozisin makina me targa të paligjshme, e dyta parasheh gjobë deri në 150 euro për ata shoferë dhe e treta targa provuese.

Zbatimi i këtij plani pritet të përfundojë më 21 prill dhe, nga ajo datë, në qarkullim do të lejohen vetëm makina me targa të Republikës së Kosovës.

LEXONI GJITHASHTU:

• Pas 21 nëntorit gjobë 150 euro për targat serbe, Policia e Kosovës sqaron procedurën
• 150 euro gjobë për targat, gazetari: Mund të ketë përshkallëzim të situatës
• Bislimi: Gjobat për targa të paligjshme do të jenë 150 euro