Kulluri: PD e ka të pamundurën fitoren, s’ka model më të mirë se kundërshtarët

Ish-këshilltari i PD-së Edvin Kulluri është shprehur se Bashkia e Shkodrës ia la vetë Sali Berishës nga PS pasi sipas tij kësaj të fundit i levërdis që në krye të opozitës të ketë një person të shpallur ‘non grata’.

Në një intervistë për Euroneës Albania, Kulluri theksoi se PD e ka të pamundur t’i fitojë këto zgjedhje  sepse nuk ka një model më të mirë se kundërshtarët.

“Ka dy opsione në tavolinë, një opsion është bashkimi. Këto e kanë çuar PD në këtë situatë. Shansi i fundit i Berishës për ta bashkuar partinë ishte pas 18 dhjetorit. Ata përjashtuan palën tjetër nga procesi si fitimtar.

Berishës, Shkodra i është lënë në tavolinë. Ramës i duhet një ‘non grata’ në krye të opozitës nuk i duhet një opozitë.  Këta u sollën si trumfatorë, ndërsa këta të tjerët bën viktimën. Çështja është se nëse triumfatorët të ftojnë viktimën për darkë në shtëpinë e tyre se do i hanë të gjallë. PD e ka të pamundur t’i fitojë këto zgjedhje  sepse nuk ka një model më të mirë se kundërshtarët”- tha ai.

LEXONI GJITHASHTU: 

• Kovaçi: 10 pedagogë në grevë urie nëse s’marrim përgjigje pozitive nga qeveria
• Kanosi për jetë një person që t’i jepte 150 mijë paund, në pranga 29-vjeçari