Në Itali e bëjnë fakt, Luigi Di Biagio në krye të kombëtares shqiptare

Tre vjet pasi zëvendësoi patriotin e tij Christian Panucci në krye të kombëtares shqiptare, Edoardo Reja duket se është në ditët e fundit si trajner i kuqezinjve.

Lajmet që vijnë nga përtej detit konfirmojnë se aventura e 77-vjeçarit ka përfunduar. Në krye të kuqezinjve do të vendoset Luigi di Biagio.

Në Itali janë të sigurt se akordi është arritur, ndërkohë konfirmimi është çështje ditësh. Në anën tjetër Federata Shqiptare e Futbollit nuk ka bërë asnjë reagim, teksa vetë kreu i saj, 1 muaj më parë, pohoi nga Shkodra se nuk ka asnjë kontakt me 51-vjeçarin, emri i së cilit është përfolur shpesh.

Di Biagio është një emër i njohur i futbollit italian, ku në periudhën si futbollist ka luajtur për ekipe si Roma, Inter apo Lazio. Ndërkohë, si trajner e ka nisur karrierën tek kombëtarja e 20 vjeçarëve të Italisë, më pas tek ekipi i parë, e së fundmi tek SPAL.

Pavarësisht se nuk ka një karrierë të madhe si trajner, ka qenë emri më i përfolur për të zëvendësuar Edoardo Rejën. Reja në krye të kombëtares shqiptare ka një bilanc të mirë të ndeshjeve të fituara, ndërkohë në deklaratat e tij të fundit ka shprehur dëshirën për të vazhduar.

LEXONI GJITHASHTU

• Paul Pogba humbet Botërorin për shkak të dëmtimit, francezi nuk ia del për në Katar
• Napoli ‘blindon’ kreun, 8 fitore radhazi në kampionat
• Lëndohet sërish Romelu Lukaku