“I ka urdhëruar Berisha për greve urie”, pedagogu i përgjigjet Ramës

Qazim Lataj, kryetar i sindikatës së punonjësve të Universitetit të Tiranës thotë se pasditen e sotme pedagogët do të vendosin nëse do të futen në grevë urie apo do të ndjekin një mënyrë tjetër proteste.

Në një intervistë për Euronews Albania, pedagogu iu përgjigj edhe akuzave të kryeministrit Edi Rama se ‘i ka urdhëruar Sali Berisha të futen në grevë urie’.

Ai u shpreh se pedagogët nuk kanë lidhje me politikën, vetëm presin nga politika në qeveri që të plotësojë kërkesat e tyre legjitime.

“Politikën s’e largojmë as e afrojmë, nga qeveria presim të plotësojë kërkesat tona. S’e çoj veten në atë nivel që t’i përgjigjem me atë gjuhë (Ramës), ta mbajë për vete edhe fyerjen, edhe shantazhin. Ai të bëjë të vetën, të ulet në bisedime me ne, jemi gati në çdo moment”, tha pedagogu.

LEXONI GJITHASHTU:

• Pedagogët sërish në protestë, paralajmërojnë grevë urie ose ngujim
• Pedagogët në grevë? Dhoska: Shumica e stafit akademik e kërkon këtë gjë