Berisha: Në Portin e Durrësit, autoritetet janë përfshirë në trafikun e kokainës

Kryetari i Partisë Demokratike, Sali Berisha thotë se të gjitha autoritetet e në Portin e Durrësit, janë përfshirë në trafikun e kokainës.

Në një deklaratë për mediat, Berisha nënvizoi se Porti i Durrësit, është shndërruar në portin më të madh të kokainës në botë.

“Shihni çfarë ndodh në Portin e Durrësit. Për gjashtë muaj rresht, porti u la jashtë kontrollit. Zbarkuan tonelata kokainë. Ato shkuan drejt Europës. Tani pasi u alarmua e gjithë bota, tani janë dyndur.

Në port, të gjithë autoritetet janë të përfshirë në trafikun e kokainës. Porti është shndërruar në portin më të madh të kokainës në botë dhe Edi Rama përpiqet që t’i mbulojë këto me sharje ordineri, me sulme dhe fjalor të një njeriu si ai”, theksoi kryedemokrati.

Disa ditë më parë, në një kontejner me banane në Portin e Durrësit, u zbuluan 33.5 kg kokainë.

LEXONI GJITHASHTU

• Rama po ndërhyn në politikën e brendshme britanike, pretendon Berisha
• Berisha: Ikja e shqiptarëve në Britaninë e Madhe, vepër e Edi Ramës
• “Alimehmeti risi e jashtëzakonshme në PD”, Hajdari flet për kandidaturat e primareve