U dhunua barbarisht, flet e ema e kenianes: Kush e përndiqte vajzën

Nëna e 22-vjeçares nga Kenia, që ndodhet në gjendje të rëndë në spitalin e Traumës u shpreh në një intervistë për Euronews Albania se ka qenë një shofer që përndiqte vajzën e saj.

“Deri më tani nuk e di se çfarë ka ndodhur se policia nuk më dha shumë informacion. Më tha te shkoja në Prokurori. Nuk kisha mundësi të shkoja se isha i përqendruar tek shërbimi i vajzës time.  Tani kam një avokat që po kujdeset për këtë çështje. Ajo ka pasur një konflikt me 2 njerëz. Një histori tjetër që më ka treguar është se ka qenë ‘një shofer që me ndjek mua dhe kërkon marrëdhënie romantike me mua, por unë nuk e dua. Ai me ndjek mua nga pas dhe më thotë që jam kërcënuar’. E kam takuar shoferin dhe nisa një bisedë normale më të dhe e pyeta pse nuk e pranon fjalën jo si përgjigje kur vajza ime”, tregon e ëma.

Ajo përlotet më tej dhe thotë se është detyrë e autoriteteve shqiptare që të investigojnë për rastin e vajzës së saj.

“Doktori më tha se janë duke bërë më të mirën por gjendja e saj nuk po bëhet më mirë sepse nuk kanë mjekime për t’i ofruar asaj. Ajo duhet të transferohet në një vend tjetër për një trajtim të mirë”, u shpreh ajo më tej.

Euronews Albania mëson se vajza ndodhet në gjendje të rëndë dhe është e nevojshme që të zhvillojë një ndërhyrje në tru, operacion ky që mund të zhvillohet vetëm jashtë vendit.

LEXONI GJITHASHTU:

• “Lutem që të ndodh një mrekulli”, përlotet nëna e 22-vjeçares nga Kenia
• Dëmtime në tru dhe thyerje kockash, gjendja e 22-vjeçares nga Kenia tek Trauma