Lefter Koka dhe Alqi Bllako ndajnë qelinë për të njëjtat akuza

Ekspertët kanë paraqitur situatën shëndetësore të ish-ministrit të Mjedisit, Lefter Koka, i cili kërkon në Shkallën e Parë të Antikorrupsionit dhe Krimit të Organizuar, zbutjen e masës së sigurisë.

Togat e zeza administruan aktin e ekspertizës të gjendjes shëndetësore të Kokës, që sipas eskpertëve, paraqitet delikate.

Seanca e radhës u caktua të mbahet të premten e ardhshme ku do të vendoset edhe në lidhje me kërkesën. Koka kërkon ndryshimin e masës së sigurisë  nga arrest me burg që mdodhet momentalisht në një masë më të butë.

Kërkesa është për njërën nga masat e caktuara nga Gjykata, atë të Fierit, ndërsa për Elbasanin atij iu rrëzua rreth 2 javë më parë.

Ndërkohë, Alqi Bllako, ish vartës i Kokës në Ministrinë e Mjedisit, pas ndryshimit të vendimit në Apel, duke e rikthyer në burg, është dërguar në Durrës. Burime bëjnë me dije se ndodhet në të njëjtën qeli me Kokën.

LEXONI GJITHASHTU

• E rikthyen në qeli ish-deputetin, avokati i Alqi Bllakos: Rekurs në Gjykatë të Lartë
• Apeli i GJKKO-së rikthen në qeli ish-deputetin Alqi Bllako
• Alqi Bllako paraqitet në GJKKO, shqyrtohet ankimimi i SPAK për lirimin e tij