Haziri: LDK nuk kërkon zgjidhje politike, por Kurti të arrijë marrëveshje me Serbinë

Lidhja Demokratike e Kosovës është tejet e shqetësuar për acarimin e marrëdhënieve mes Shteteve të Bashkuara dhe qeverisë së Kosovës.

Nënkryetari i saj Lutfi Haziri në emisionin Balkan Talks në Euronews Abania i kërkon Kryeministrit Albin Kurti të bashkëpunojë fort me Uashingtonin dhe Brukselin për të gjetur zgjidhje për Asosacionin e Komunave me shumicë serbe,  për të shtensionuar situatën në Veri dhe arritjen e marrëveshjes finale me Beogradin.

Megjithatë, ish-zëvendëskryeministri i Kosovës deklaron se në këtë situatë negociatash përcaktuese, opozita nuk do krijojë asnjë problem të brendshëm politik ne vend.

“Ne po kërkojmë që procesi i negociatave të ketë shans të arrijë progres, se e dimë që është e vështirë të mbyllet. Negociata i kanë mbetur në fyt politikisht Kurtit. Është një situatë e re, është propozimi franko-gjerman, në dokument që i jep mundësi palëve të ulen të tavolinë dhe të zgjidhin disa nga çështjet themelore mbi baza europiane. Kjo iniciativë e re në krahasim me zhvillimet i ka dhënë oksigjen  politik Kurtit se u nënshkruan tre marrëveshje në Procesin e Berlinit që ishin të paimagjinueshme më parë”, tha Haziri.

LEXONI GJITHASHTU:

• Çfarë u kërkoi Borrell, Kurtit dhe Vuçiçit gjatë takimeve në Francë
• Deputeti i VV kritikon Kurtin: Qasje e gabuar ndaj ndërkombëtarëve për targat