Xhavit Haliti: Intelektualët serbë kundër Vuçiçit për Kosovën

Deputeti i Partisë Demokratike të Kosovës, Xhavit Haliti deklaroi se intelektualët serbë i kanë dalë kundër publikisht presidentit të Serbisë, Aleksandër Vuçiç për çështjen e Kosovës.

Në një intervistë për Euronews Albania, Haliti u shpreh se ata janë shprehur se Vuçiç, po përpiqet që përmes proagandës për Kosovën të ruajë pushtetin.

“Nga ato që po i shoh nga agjencitë serbe të lajmeve, që edhe atje është një reaksion i madh i serbëve, i analistëve seriozë të Serbisë, i intelektualëve të mëdhenj të Serbisë, është një presion i madh ndaj Vuçiçit, duke e pranuar publikisht se Kosova është e humbur.

Intelektualët serbë, në takimet që i organizojnë me publikun, po flasin që Vuçiçi po përpiqet që përmes proagandës për Kosovën të ruajë pushtetin”, theksoi ai.

Ndërsa, i dërguari i Posaçëm i Bashkimit Evropian për dialogun Kosovë-Serbi, Miroslav Lajçak zhvilloi një takim këtë të martë në Bruksel me zv.kryeministrin e Kosovës, Besnik Bislimi.

Përmes një postimi në rrjetet sociale, Lajçak bëri të ditur se në takim u diskutua për krizën në marrëdhëniet mes Kosovës dhe Serbisë, veçanërisht për targat e automjeteve.

Sipas Lajçkaut, është urgjente gjetja e një zgjidhjeje për targat.

LEXONI GJITHASHTU

• Lajçak takon zv.kryeministrin e Kosovës: Të gjejmë një zgjidhje urgjente për targat

• Haliti: Kurti të tërhiqet për targat, nuk duam konflikt me Serbinë
• BE e gatshme për një takim Kurti-Vuçiç në Bruksel: Të sillen si evropianë