Banorët e Postribës në protestë për ujin e pijshëm, gurorja dëmtoi ujësjellësin

Ky ujë u faturohet banorëve të Postribës çdo muaj nga ujësjellës-kanalizime, pavarësisht se duket që është i pakonsumueshëm.

“Kemi kontaktuar me ujësjellësin dhe ujësjellësi pa pikë turpi ka dhënë 1400 metra larg burimit guroren, ajo është vertikale, 40 metra kurse në vijë ajrore shkojnë në 80 metra, 100 metra s’i kap”, thotë Ramiz Shabaj, banor i Postribës.

Prej 4 vitesh uji është i papijshëm për shkak të ndërtimit të gurores së Rrësekut.

“Kemi shkuar me shishe tek drejtoria e ujësjellësit, si kam ardhur këtu sot edhe atje, dhe tha ai tjetri që ka qenë drejtori më ka thënë edhe unë e pi këtë ujë. Po këtë as bagtëia nuk e pinë o njerëz, as bagëtia nuk e pi”, shprehet Zamir Milani, banor i fshatit Milan.

“Qeveria, nga kryeministri deri tek administratori këtu poshtë bashkë me kryetaren e bashkisë Shkodër Voltana Ademi që e kanë lejuar me një dëgjesë publike prej 7 personash që të jepet kjo leje minerare për interes të një personi, ish-deputeti këtu është një krim, korrupsion”, tha Xhevdet Karmaj, banor i Postribës.

Padinë e kanë drejtuar në SPAK, por banorët thonë se edhe drejtësia po i sorollat pa i dhënë asnjë përgjigje 7000 banorëve të kësaj zone, të cilët po rropaten për gjënë më bazike, ujin e pijshëm.

LEXONI GJITHASHTU:

• Banorët e Postribës protestojnë për ujin e ndotur nga punimet e gurores, kundërshton UKSH
• Protestë në Postribë, banorët: Gurorja ka dëmtuar burimin e ujit