“Uji i kanalizimeve futet në banesa”, banorja në Durrës: Asnjë masë nga shteti

Katet e para të banesave në zonën e ish-Kënetës në Durrës janë përmbytur.

Ndërkohë, njëra nga banoret thotë se uji që i është futur në shtëpi është i kanalizimeve dhe jo nga shiu.

Për mikrofonin e Euronews Albania, ajo theksoi se me të njëjtën situatë është përballure dhe para dy vitesh dhe nuk ka marrë asnjë ndihmë nga shteti.

“Nuk është uji i shiut, por është uji i kanalizimeve. Po para dy viteve, e njëjta situatë; i kam hedhur të gjithë mobiljet. Nuk jetohet më këtu. Nuk kam marrë asnjë lloj shpërblimi. Nuk na jep përgjigje asnjeri”- tha ajo.

Ajo theksoi gjithashtu se nëse nuk merren masa nga shteti, dimrin do e kalojë nën pushtetin e ujit.

“Nëse nuk merren masa, gjithë dimrin do të jem e përmbytur. Nuk kam mundësi të bëj shtëpi të re. Ato lekë që marr, i kam vetëm për copën e bukës. Ka shkuar burri në Bashki, por nuk i është përgjigjur askush. Erdhi një zjarrfikës, por nuk pati ç’të bënte. Duhet të hapen kanalizime”- theksoi ajo.

LEXONI GJITHASHTU:

• Përmbytjet në Shkodër, Spahia: Situata të tilla kërkojnë shpalljen e emergjencës
• Nën ujë katet e para të banesave në zonën e ish-Kënetës në Durrës