Përmbytjet në Shkodër, Spahia: Situata të tilla kërkojnë shpalljen e emergjencës

Kryebashkiaku i Shkodrës, Bardh Spahia thotë se situata në këtë qark mbetet problematike për shkak të reshjeve.

Në një intervistë për Euronews Albania, Spahia u shpreh se situata të tilla kërkojnë edhe shpalljen e emergjencës, megjithëse nënvizoi se ende nuk ka bërë kërkesë zyrtare në lidhje me këtë.

“Mendoj se është bërë maksimalisht ajo çfarë i përket bashkisë apo le të themi lokalisht institucioneve, situata të tilla kërkojnë madje edhe marrjen e vendimit për gjendjen e emergjencës dhe gjithmonë prezencën e shtuar të institucioneve shtetërore, me mjete të specializuara dhe personelin e mjaftueshëm.

Nuk e kam kërkuar zyrtarisht, e kemi diskutuar në mbledhje; mund ta kërkojmë edhe zyrtarisht, mund t’i bëjmë kërkesë, por e rëndësishme është që situata realisht shumë e rrezikshme me të cilën po përballen banorët e bashkisë sonë të shikohet me shumë seriozitet.”, theksoi ai.

LEXONI GJITHASHTU

• Hapja e portave të HEC-ve përmbytën Shkodrën, thotë Bardh Spahia
• Spahia: Mbi 2 mijë hektarë tokë e përmbytur në Shkodër, janë evakuuar 30 familje
• Momenti kur polumbarët gjejnë babë e bir të pajetë në përroin e fshatit Bogë (VIDEO)