Nobelisti polemik Peter Handke përplaset me gazetarët për luftën e Ballkanit

Shkrimtari austriak Peter Handke, fituesi i çmimit Nobel 2019 në Letërsi, deklaroi këtë të premte se preferon letra anonime në vend të pyetjeve që kanë lidhje me mbështetjen e tij për Sllobodan Millosheviç, njeriu i njohur me nofkën “fuçia e barutit” gjatë luftës së Ballkanit në vitet ’90.

Shkrimtari zhvilloi një bisedë me gazetarët në Stokholm dhe u pyet nëse e pranonte faktin që në Srebrenicë kishte ndodhur një masakër. Handke, dukshëm duke u dridhur, u përgjigj duke thënë se ai kishte marrë shumë letra nga lexuesit që tregonin mbështetjen e tyre pasi iu dha çmimi me një shumë prej 935 mijë dollarë në tetor.

“Në tetë ose nëntë javët e fundit kam marrë shumë letra të mrekullueshme që vijnë nga zemrat e lexuesve të letërsisë. Shumë. Nuk e përmend numrin. Por vetëm njëra prej tyre ishte një letër anonime që nuk erdhi nga zemra. Ishte një letër higjienike e cila kishte “kaligrafi të ndotur”.

Dhe unë po ju them se këto pyetje po i bëni në të njëjtin nivel si ky njeri. Unë po ju them se preferoj një letër anonime, një letër higjienike në vend të pyetjeve tuaja boshe dhe injorante,” u shpreh Handke.

77-vjeçari nuk pranoi të fliste për ish-Jugosllavinë. “Nuk dua t’ju përgjigjem asnjë prej pyetjeve tuaja,” tha ai në dhomën e mbushur me gazetarë.

Më 10 dhetor në Stokholm janë planifikuar protesta pasi pritet që mbreti i Suedisë t’i dorëzojë Handke çmimin Nobel.

Çmimi Nobel për Letërsinë, dorëhiqen dy anëtarë të Akademisë suedeze

Fituesi i çmimit Nobel për Letërsinë, Peter Handke shkakton polemika

Ndahen çmimet Nobel për Letërsinë, Olga Tokarczuk dhe Peter Handke shpallen fitues