Drejtori i KESH-it: Në 12 orë, pati një sasi reshjesh sa për 3 muaj

Drejtori i Koorporatës Elektroenergjetike Shqiptare (KESH), Ergys Verdho deklaroi se në Alpet në veri të vendit, në 12 orë ra një sasi reshjesh sa për 3 muaj e në vazhdim.

Në një intervistë për Euronews Albania, Verdho u shpreh se aktualisht, kuota në Fierzë është 274 metra, teksa prurjet, së  bashku me Komanin dhe Vaun e Dejës, arrijnë në 4000m3/s.

“Situata hidrike është paraqitur e mirë për basenin e Fierzës, ku kemi pasur një rritje 5-6 metra të rezervës energjitike. Flasim për kuota nga 266 metra nga e hëna e kaluar, në 274 në momentin që flasim. Problematikat kryesore kanë ardhur si rezultat i baseneve të vogla që ne kemi, të Komanit dhe Vaut të Dejës, që kanë aftësi rezervuese të vogla krahasimisht me këto sasi reshjesh që binë.

Alpet e Shqipërisë, erdhën papritur 400 mm shi në 12 orë. Kjo sasi e reshjeve të rënë, është sasi e reshjeve për 3 muaj dhe në vazhdim. Flasim për një prurje diku në 3500 m3 vetëm në basenet e Komanit dhe Vaut të Dejës dhe 500m3 në basenin e Fierzës. Një prurje 4000m3/s. Në vitin 2010 ka qenë 3200 m3/s”, theksoi ai.

LEXONI GJITHASHTU:

• Përmbytjet në Shkodër, Rama bën krahasimin me vitin 2010: Faktet flasin qartë
• FOTO | Xhamia e Plumbit nën ‘pushtetin’ e ujit, dëmi në rreth 2 milionë euro
• VIDEO | Pamje me dron nga sipërfaqja e përmbytur në Shkodër