Këshilli Politik, Gjiknuri: Debat i stisur, opozita synon të pengojë ndryshimet kushtetuese

Përfaqësuesi i Partisë Socialiste Damian Gjiknuri e konsideroi “të stisur” dhe “debat të kotë” çështjen e ngritur nga opozita për t’i kërkuar mendim OSBE/ODIHR-it për çështjen e koalicioneve.

Në një deklaratë për gazetarët, Gjiknuri tha se synimi i vetëm i opozitës është hedhja në erë e procesit dhe pengimi i ndryshimeve kushtetuese.

“Fatkeqësisht sot Partia Demokratike bojkotoi Këshillin Politik megjithëse ishte edhe ajo kërkuese që kjo mbledhje të zhvillohej, e bojkotoi me të njëjtat qëndrime që janë bërë publike, që për mendimin tim kanë vetëm një synim, të hedhin në erë këtë proces, të mbajnë peng ndryshimet kushtetuese dhe të krijojnë një krizë artificiale vetëm e vetëm që të justifikojnë qëndrimet e tyre të mëtejshme,” – shprehu gjykimin e tij mbi atë çfarë ndodhi sot në Këshillin Politik, Damian Gjiknuri.

“Stiset një debat i kotë, sepse këtu bëhet sikur po zihen për procedurë, a duhet ODIHR-i tani, apo më vonë, duke iu referuar marrëveshjes, ODIHR-i është organizatë e specializuar, po t’i kthehemi deklaratave të opozitës, organizata është e specializuar të japë mendime juridike mbi produkte konkrete, sot ne sollëm produkt konkret, mund të mos jetë perfekt, por që kërkon imputin e të gjithëve, parashikohet koalicioni zgjedhor, që nuk është e vërtetë që nuk parashikohen koalicionet… parashikohet vota parapëlqyese për çdo kandidat dhe natyrshëm mekanizma që mundësojnë realisht ndarjen e mandateve në varësi të peshës elektorale që kanë kandidatët pasi zgjedhësi voton edhe për partitë edhe për individët, por konflikti është i stisur sepse ODIHR-i diskuton mbi draftet,” – tha Gjiknuri.

Lajmi në përditësim…