Alibeaj-Nikollës: Po shkelni rregulloren, deputetët 10 minuta kohë për të folur

Me tensione ka nisur seanca e sotme e Kuvendit, ku opozita kërkon më shumë minuta për të folur në Kuvend.

Deputeti Enkelejd Alibeaj i renditi shkeljet që ka bërë Kuvendi kryetares së Kuvendit, Lindita Nikolla, që sipas tij nënvizoi se të gjithë deputetët që nuk janë të mobilizuar në një grup parlamentar, kanë të drejtë të flasin 10 minuta.

Fjala e Alibeajt:

Duhet të jeni e drejtë dhe e vërtetë me faktet. Në Konferencën e Kryetarëve është e vendosur në mënyrë të njëanshme koha e limituar e debatit, për të pasur një vendimmarrje të tillë duhet të ketë një kërkesë me shkrim, në këtë rast nga z.Balla. Shkelja e dytë në seancën e kaluar: kthejuni procesverbalit që kishit miratuar, ju kishit detyrimin përsa kohë në Konferencën e Kryetarëve nuk kemi pasur dakordësi dhe sipas kësaj rregullohej do duhej të votohej dhe nuk votua.

Ju kam bërë një kërkesë për të mbledhur Konferencën e Kryetarëve për të zhbërë gabimin për shkeljen flagrante të Kushtetutës dhe më keni kthyer një përgjigje që s’ka lidhje.

Neni 48 e përcakton që grupet parlamentare janë më të cënuara. Të gjithë deputetët që nuk janë të mobilizuar në një grup parlamentar kanë të drejtë të flasin 10 minuta. Respektoni rregulloren.

LEXONI GJITHASHTU:

• ‘Je porositës i vrasjeve’, Berisha-Ballës: S’ke vend në Parlament, shko në Prokurori
• Çfarë do të ndodhë me serbët në veri të Kosovës pas marrëveshjes?
• Balla sulmon Berishën: Një “non grata” që bredh me partnerët e birucave