Albin Kurti: U paralajmërova nga SHBA-të, situata në veri mund të përkeqësohej

Kryeministri i Kosovës, Albin Kurti deklaroi se u dakordësua për një kompromis në lidhje me çështjen e targave të automjeteve, pasi ishte paralajmëruar nga ambasadori amerikan në Prishtinë, se situata në veri të vendit mund të përkeqësohej.

Deklaratën, Kurti e dha në një intervistë për korrespodentin në Frankfurter Allgemeine Zeitung, Michael Matens, i cili ka shpërndarë në rrjetet sociale, disa nga përgjigjet e tij.

“Kurti tha se ishte dakord për një kompromis në “krizën e targave” pasi ishte paralajmëruar nga ambasadori amerikan në Prishtinë se situata në veri të Kosovës “mund të përkeqësohet rëndë dhe në mënyrë të pakthyeshme”, ishte përgjigja e Kurtit ndaj pyetjes së gazetarit.

Ndër të tjera, Kurti bëri me dije se Kosova do të aplikojë zyrtarisht për anëtarësim në Bashkimin Evropian në dhjetor.

Kurti said he agreed to a compromise in the “license plate crisis” after having been warned by the US ambassador in Prishtina that the situation in the North of Kosovo “could severely and irreversibly deteriorate”.

— Michael Martens (@Andric1961) November 26, 2022

Kosova dhe Serbia, më 23 nëntor në Bruksel, kanë arritur marrëveshje për targat ilegale serbe.

Kryediplomati evropian, Josep Borell, ka thënë se Kosova do t’u japë fund veprimeve të mëtejme të lidhura me riregjistrimin e makinave, derisa Serbia nuk do të lëshojë më targa të makinave me emra të qyteteve të Kosovës.

LEXONI GJITHASHTU

• Petkoviç: Nuk ka afate për normalizimin e marrëdhënieve, Kurti po mashtron
• Kur do të arrihet marrëveshja finale me Serbinë? Përgjigjen ekspertët
• Harta e Kosovës me ngjyrat e flamurit serb, Federata ankesë FIFA-s