Halit Valteri: Në PS ka një grup të “mërzitur” nga Edi Rama

Ish-deputeti Hali Valteri është shprehur se ka një grup deputetësh në Partinë Socialiste që janë të pakënaqur nga Edi Rama.

Në një intervistë për Euronews Albania, ai theksoi se qeveria ka përballë një opozitë të përçarë ndërsa nënvizoi se protesta e 6 dhjetorit është një turp për shqiptarët.

“Ka zëra që një grup deputetësh janë paksa kundër rrymës në PS. Flitet që janë një grup deputetësh që shprehin pakënaqësi ndaj qeverisjes. Ky grup është si puna e atyre që deri dje kanë ndenjur më babin dhe tani kanë dalë në shtëpi më vete dhe nuk kënaqen asnjëherë me njëri-tjetrin. Qeveria nuk ka një opozitë përballë, ka një opozitë të përçarë që ka lënë mëndjen e kokës duke bërë dhe një protestë me datën  6 dhjetor. Kjo është një turp për shqiptarët”- tha ai.

LEXONI GJITHASHTU: 

• 172 mln euro në vit nga eksportet me Gjermaninë, 42 kompani investojnë në vend
• Sa po ndikon Gjermania për anëtarësimin e Shqipërisë në BE? Përgjigjet Gjoka