Vrasja e gruas shtatzanë, Daci: Jemi një shoqëri e sëmurë në shumë drejtime

Avokati Jordan Daci thotë se karakterizohemi nga një shoqëri e sëmurë dhe potenciali i dhunës sa vjen e rritet, duke iu referuar ngjarjes së rëndë në Kosovë, ku u vra një grua shtatzanë nga ish-bashkëshorti i saj.

Në emisionin “Review” në Euronews Albania, Daci u shpreh se shoqëria, por edhe shteti nuk po reagon ndaj ngjarjeve të tilla të rënda.

“Ndjesia e parë që të jep është një shoqëri tepër e dhunshme që ne karakterizohemi dhe potenciali i dhunës në shoqërinë tonë sa vjen e rritet. Ky është një problem, këtë ndjesi krijon kushdo dhe sigurisht një shoqëri shumë e sëmurë në shumë drejtime, të cilat paduyshim prodhojmë viktima në vazhdimësi. Fatkeqësisht, ne si shoqëri dhe si shtet nuk po bëjmë asgjë për të minimimizuar efektet e këtyre sëmundjeve. Nuk është vetëm ky rast, të gjitha rastet të trondisin”, theksoi ai.

Policia e Kosovës ka dhënë detaje të reja rreth ngjarjes së rëndë në Kosovë, ku Hamide Magashi u vra me armë zjarri nga ish-bashkëshorti Sokol Halili.

Mësohet se autori Sokol Halili u arratis në Davidovc të Shtimes. Pas lokalizimit të tij, policia fillimisht largoi anëtarët e familjes nga shtëpia, ndërsa i dyshuari nuk pranoi negocimin me policinë dhe qëlloi veten me pistoletë. Ai humbi menjëherë jetën.

Policia ka informuar se në vendin e ngjarjes është gjetur dhe konfiskuar një pistoletë me një karikator pa fishekë dhe një predhë.

LEXONI GJITHASHTU

• Ministri Sveçla: Pezullohen katër policë për rastin e vrasjes së gruas shtatzënë
• Si i dha fund jetës Sokol Halili, në banesë iu gjet edhe një predhë
• Vrau ish-gruan shtatzënë para maternitetit të Prishtinës, vret veten 31-vjeçari