Përshtatën lokalin për lojëra fati dhe përdorim droge, në pranga 2 vëllezër

Dy vëllezër janë arrestuar nga policia në Malësinë e Madhe, pasi në lokalin e tyre ushtronin aktivitet të paligjshëm të lojërave të fatit dhe shpërndarjes së lëndëve narkotike.

Dy të arrestuarit të moshës 27 dhe 22 vjeç, me iniciale E.P dhe G.P përkatësisht, banues në fshatin Vukpalaj të Malësisë së Madhe akuzohen për veprat penale “Prodhimi dhe shitja e lëndëve narkotike”, “Fshehja e të ardhurave”, “Organizimi i lotarive të palejuara” dhe “Pastrimi i produkteve të veprës penale ose veprimtarisë kriminale”, kryer në bashkëpunim.

Sipas policisë këta shtetas kishin përshtatur lokalin e tyre, në fshatin Vukpalaj, për përdorim droge dhe organizim të lojërave të fatit.

Gjatë kontrollit në ambientet e lokalit, Policia gjeti dhe sekuestroi një sasi lënde të dyshuar narkotike kokainë dhe 2 makineta që shërbenin për lojërat e fatit.

LEXONI GJITHASHTU:

• Përshtati lokalin për lojëra fati, në kërkim pronari, dy të arrestuar
• Luanin lojëra fati, arrestohen 4 persona dhe pronari