“Nesër të gjithë bashkë në bulevard”, Meta thirrje protestuesve

Kreu i Partisë së Lirisë, Ilir Meta ka përgëzuar Partinë Demokratike për procesin e primareve, ndërkohë ka bërë thirrje për protestën e nesërme të organizuar nga opozita.

“Shumë urime për Partinë Demokratike për procesin transparent, civilizues dhe në interes të demokracisë direkte të Primareve. Një hap i madh përpara! Nesër të gjithë bashkë në Bulevardin “Dëshmorët e Kombit” në mbrojtje të Kushtetutës, lirisë dhe demokracisë”, shprehet Meta në një postim në rrjetet sociale.

Një ditë më parë u zhvillua procesi i primareve në Partinë Demokratike.

Deputeti i Partisë Demokratike, Belind Këlliçi dhe mjeku Ilir Alimehmeti janë dy kandidatët të cilët do të garojnë në balotazh të dielën e 11 dhjetorit në Primare.

Pas numërimit të votave, rezultoi se asnjë nga 7 kandidatët, nuk mori mbi 50% të votave dhe sipas rregulit të përcaktuar në Partinë Demokratike, dy më të votuarit do të kalojnë në balotazh, për të përcaktuar fituesin.

Më i votuari nga kandidatët ishe Belind Këlliçi, i cili mori 4040 vota, i ndjekur nga Ilir Alimehmeti me 2196 vota. Gerti Bogdani u rendit i treti me 1819.

LEXONI GJITHASHTU:

• “Nuk ia dola dot”, reagon Julian Deda pasi humbi në primaret e PD-së për Tiranën
• Votues socialistë në Primaret e PD-së? Flet Eno Bozdo
• S’ka fitues në Primaret për Tiranën, Belind Këlliçi dhe Ilir Alimehmeti në balotazh