“Protesta, oksigjen për militantët”, Ferhati: S’ka arsye të bëhet ditën e samitit

Deputetja e Partisë Socialiste, Klotilda Ferhati e cilësoi protestën e Sali Berishës si oksigjen për demokratët.

Ajo tha se ishte e pashpjegueshme se si mund të protestohej në një ditë historike, kur liderët europianë dhe ata të Ballkanit Perëndimor zhvillonin samitin në Tiranë.

Sipas Ferhatit, mazhoranca socialiste iu ka dhënë jetë protestave gjatë viteve në pushtet dhe theksoi se ato janë gjithnjë të mirëseardhura duke qenë se përfaqësojnë demokraci, ama nënvizoi gjithashtu se duhet të ketë dhe një arsye pse ndodhin.

“Në gjithë botën ndodhin protesta në ditë samitesh, nuk është ndonjë lajm i ri, por për çfarë ndodhin. Ndodhin për çështje të cilat diskutohet në samit. Për shembull do të ketë një samit për klimën dhe ka grupe interesi nga shoqëria që protestojnë për politikat për klimën,” – u shpreh deputetja.

Në këto kushte, Ferhati tha se protesta e opozitës është thjesht oksigjen për militantët e vet dhe jo për arsye madhore.

LEXONI GJITHASHTU:

• Lela zbulon detaje: Do jetë protesta më e paparë ndonjëherë! 
• “Nesër të gjithë bashkë në bulevard”, Meta thirrje protestuesve