‘Në Divjakë nuk ka përleshje për lekë’, Braçe: S’jam unë deputeti me resort në park

Deputeti socialist Erion Braçe tregoi fillimet e vendimit për taksimin në parkun e Divjakës. Në përgjigje të deputetes demokrate të Divjakës, Ilda Dhori, Braçe nga foltorja e Kuvendit u shpreh se vendimi në fjalë duhet të kishte dalë 2 vjet më parë po u kthye 6 herë mbrapsht nga ana e tij si zv.kryeministër.

Sipas Braçes, vendimi përfundimtar ka përjashtuar nga tarifa banorët vendas dhe ka lënë të lirë vendndodhjen e aksesit të kontrollit.

“Në Divjakë nuk ka asnjë përleshje për lekë midis pushtetit. Ato që thuhet se janë para që merren nga parku janë para për të hipur në kullë, për të hipur në varkë, jo për të hyrë e dalë nga parku, për të parkuar makinën në brezin e rërës se bashkia që e administron kryen edhe pastrimin e tij. Se unë nuk kam pallat brenda në park, nuk jam unë pushtetari që ka pallat në park, nuk jam unë deputeti që ka resort park, madje që ka vjedhur edhe një ishull të tërë”, tha Braçe.

LEXONI GJITHASHTU:

• Deputetja e PD-së zbulon datën e gjyqit për vendosjen e traut në Divjakë
• ’25 mijë lekë në ditë’, Korreshi për tarifën në Divjakë: Po luajnë me njerëzit