Dritan Hila: Berisha do të tregojë që destabilizon vendin

Analisti Dritan Hila tha në “Now me Erla Mëhillin” se Sali Berisha me protestën e 6 dhjetorit do të tregojë që destabilizon vendin.

“Ky zotëria që do dali në protestë e ka të kotë që del se nuk është se po informon perëndimorët se çfarë ka ndodhur në Shqipëri dhe çfarë po bën Edi Rama në Shqipëri,” – u shpreh Hila i cili theksoi se të gjitha raportet e përfaqësive të tyre janë të ditura.

Sipas tij çfarë Berisha kërkon të tregojë me protestën nesër është se ai është faktor destabilizimi, por edhe këtu ka një problem, pasi ai nuk përfaqëson gjithë opozitën.

“Se ka brenda edhe Ilir Metën që thotë nuk do bëj protestë, por do bëj manifestim, ka brenda edhe fraksionin e Alibeajt dhe Bashës që nuk preferojnë të dalin, ka dhe aleatë të tjerë, kështu që ky po përfaqëson hallin e vet aty që del,” – u shpreh Hila.

LEXONI GJITHASHTU:

• Ata që mikpresin samitin po merren me protestën tonë, thotë Berisha
• Protesta e opozitës më 6 dhjetor do të shfrytëzohet nga Edi Rama, thotë Mëhilli