Kreu i Partisë Demokratike Sali Berisha deklaroi se ata që po merren me samitin e 6 dhjetorit, e kanë harruar atë dhe po fokusohen më shumë te protesta e opozitës në po të njëjtën ditë.
“Në thellësi, po ta marrësh, në fakt ata kanë frikë samitin, Europën, vlerat e saj. Të ngujuar tashmë në kodin e mafias, praktikat e mafias, ata çdo lloj drite i tmerron. Ndaj dhe po të keni vënë re ju, ai që mund ta quajmë me plot gojë kryeministri mafioz i shqiptarëve, hajduti i parë i Shqipërisë, ai e ka humbur toruan dhe vetëm merret me postblloqe dhe informacione se këtë rrugë po e bllokojmë, atë rrugë s’do e lejojmë, atë shesh do e bllokojmë, etj,” – tha Berisha.
Kryedemokrati u shpreh se protesta e cila do të zhvillohet në të njëjtën ditë kur liderët e Bashkimit Europian dhe ata të Ballkanit Perëndimor do të zbarkojnë në Tiranë, ka shpërqëndruar kryeministrin Rama.
Berisha u zotua se do të bëjnë çmos për të mbushur bulevardin dhe për të treguar para botës rrezikun që ka populli shqiptar nën qeverisjen e Ramës.
LEXONI GJITHASHTU: