Ekskluzive| Raporti i Gert Shehut, mjeku: E kam lëshuar se kishte një problem ligjor

Mjeku i Gert Shehut, 31-vjeçarit që goditi sot Sali Berishën me grusht në fytyrë tha se i vinte keq për ngjarjen dhe se i uronte të shkuara kreut të Partisë Demokratike.

Sadik Lala sqaroi për Euronews Albania se raporti shëndetësor i cili u bë publik është autentik dhe i lëshuar nga vetë ai. Sipas tij familjarët e Gertit e kanë kërkuar pasi ky i fundit ka pasur një problem ligjor, për të cilin Lala nuk ishte në dijeni se për çfarë bëhej fjalë konkretisht.

“Dokumenti është autentik me numër regjistri. Është lehtësisht i verifikueshëm,” – u shpreh mjeku.

Ai tha se nuk e kuptonte si ky raport ka rënë në dorë të medias, kur është për përdorim vetëm nga policia.

Ndër të tjera Sadik Lala, shtoi se ishte i sëmurë dhe do të kthehej në zyrë të nesërmen pikërisht për të verifikuar të dhënat e pacientit të tij.

Gert Shehu kurohej me mjekun Lala që prej vitit 2018, por edhe më herët kishte qenë në kontakt me mjekë të tjerë për probleme të shëndetit mendor.

LEXONI GJITHASHTU:

• “Para 10 ditësh vizitë tek mjeku”, nëna e Gert Shehut tregon gjendjen e të birit
• Doktori i Gert Shehut për Euronews: Raportin e kam lëshuar unë, ka sjellje agresive