Grupet kriminale serbe po na sfidojnë dhe janë fitues, thotë eksperti i sigurisë

Eksperti i sigurisë, Bedri Elezi thotë se grupet kriminale serbe në veri të Kosovës po sfidojnë shtetin dhe deri më tani, ata janë fitues.

Në një intervistë për Euronews Albania, Elezi u shpreh se duhet që këto grupe kriminale të arrestohen sa më parë.

“Institucionet tona të Republikës së Kosovës duhet të kenë kujdes në deklarimet e tyre sepse në mënyë të drejtpërdrejtë, cënojnë sigurinë. Ne nuk jemi  në pozicionin e Serbisë, ku kemi nevojë të inkurajojmë apo të ngremë moralin për dhunë.

Ndaj, duhet të pranojmë faktin që në vazhdimësi, grupet kriminale, pavarësisht se janë grupe kriminale, po na sfidojnë dhe janë fitues. Në vend se ne të kemi arrestime të grupeve kriminale në kohë reale, ne sot i kemi bërë palë në diskutim”, theksoi ai.

Serbët lokalë në veri të Kosovës ngritën barrikada më 10 dhjetor, në shenjë kundërshtimi lidhur me arrestimin e Dejan Pantiçit, ish-pjesëtar i Policisë së Kosovës.

Autoritetet në Kosovë thanë se ai kishte organizuar “sulmin terrorist” ndaj zyrave të Komisionit Qendror të Zgjedhjeve në veri më 6 dhjetor.

LEXONI GJITHASHTU

• Sulmohet patrulla e EULEX-it në veri të Kosovës
• Serbët u detyruan që t’i vendosnin barrikadat në veri, thotë Vuçiç
• Petkoviç: Serbët janë ngopur me terrorin e Kurtit, nuk durojnë më