‘Dënojmë sulmet’, Balla zbulon qëndrimin e Shqipërisë mes tensioneve Kosovë-Serbi

Kryetari i Grupit Parlamentar të Partisë Socialiste, Taulant Balla thotë se kryeministri Edi Rama i ka dënuar aktet e dhunës në veri të Kosovës, si dhe ka shprehur mbështetjen e tij e të qeverisë.

Në një deklaratë për mediat, Balla u shpreh se Kosova është e pavarur dhe se Serbia duhet ta kuptojë diçka të tillë.

Ndër të tjera, Balla nënvizoi se Tirana zyrtare i bashkohet thirrjes së SHBA-ve dhe BE-së që duhet të repsektohen vendimarrjet e institucioneve të Kosovës.

“Ajo që është shumë e rëndësishme, është që kryeministri Rama ka qenë shumë i qartë në dënimin e të gjitha akteve të dhunës, të ndodhura dhe në mbështetje të nevojës për të mos eskaladuar asnjë prej ngjarjeve aty dhe unë mendoj qëe rëndësishme është që Kosova, duhet kuptuar nga të gjithë, përfshirë këtu edhe Serbinë, që është shtet i pavarur, shtet me institucione dhe natyrshëm ne duhet të respektojmë të gjitha vendimarrjet e institucioneve të Kosovës si një shtet i pavarur.

Megjithatë, ajo që dua të ripërsëris dhe që mendoj që është qëndrimi zyrtar i Tiranës dhe i Ministrisë së Jashtme, është që ne i bashkohemi thirrjes së SHBA-ve dhe BE-së që duhet të repsektohen vendimarrjet e institucioneve të Kosovës dhe të dënojmë sulmet. Sulmi ndaj oficerit të EULEX-it është i paparanueshëm, duhet dënuar nga të gjithë, përfshirë Serbinë”, theksoi ai.

LEXONI GJITHASHTU

• Vuçiç: Më 15 dhjetor, kërkesë KFOR-it për dërgimin e 1 mijë trupave serbe në Kosovë

• Vuçiç-ndërkombëtarëve: Kosova nuk po respekton asnjë marrëveshje
• BE diskuton sot për tensionet në Kosovë, Borell: Palët t’i kthehen dialogut