Berisha: Shpopullimi është plagë e madhe, të rinjtë të jenë në qendër të vëmendjes

Kreu i PD-së Sali Berisha në takimin me fituesit e primareve për zgjedhjet e 14 majit përmendi dhe shpopullimin e Shqipërisë.

Në fjalën e tij ai theksoi se shpopullimi është plaga më e madhe e vendit tonë, ndërsa tha se tashmë e gjithë vëmendja duhet të fokusohet te rinia.

Sipas tij nëse ikin të rinjtë ka ikur e ardhmja.

“Ju e shihni se cila është plaga e madhe e Shqipërisë sot. Një plagë e tmerrshme, largimi masiv i rinisë. Kjo është e vërteta.

Ne po mbetemi absolutisht me të ardhme fiktive. Se po të iku rinia, në të gjitha aspektet, të ka ikur e ardhmja. Ndaj dhe, në programin tuaj, të cilin ju filloni ta hartoni pas një pune intensive në çdo skaj me çdo komunitet të territorit të bashkisë tuaj, do të vini në epiqendër të rinjtë, interesat, shkollimin, potencialin, shpalosjen e potencialeve të tyre. Pra, shqiptarët presin nga ju dhe PD që ju bashkitë t’i shndërroni në bashkitë e rinisë”- theksoi Berisha.

LEXONI GJITHASHTU: 

• Berisha: Anëtarësia e PS nuk ka më asnjë zë te qeveritarët e saj
• Shpërndante ekstazi në qendrën e azilantëve në Durrës, në pranga iraniani
• Berisha sulmon Veliajn: Ka shumëfishuar taksat, ka shpikur taksën e arsimit