Salianji: PD në Korçë është e bashkuar, s’ka ndarje mes Berishës dhe Alibeajt

Deputeti i Partisë Demokratike, Ervin Salianji është shprehur se në Korçë nuk ka ndarje të PD-së.

I ftuar në emisionin “Rinon” në Euronews Albania, Salianji theksoi se në primare morën pjesë dhe mbështetësit e Sali Berishës dhe të Enkelejd Alibeajt duke nxjerrë kandidatë të përbashkët.

“PD në rang kombëtar nuk është në kushtet më të mira të saj por si në shumë raste nga krizat mund të gjenden oportunitete për të dalë më mirë dhe besoj se edhe në Korç  dhe kudo PD po riorganizohet dhe po merr një formë tjetër.

Në Korçë nuk ekzistojnë ndarjet se kush është me Berishën dhe Alibeajn. Të dyja pjesët e PD kanë marrë pjesë në një garë të përbashkët dhe kanë nxjerrë kryetarë degësh që janë pranuar nga të dy palët. Nuk reflektohet në rang lokal ndarja që është në nivel qendror”- tha ai.

LEXONI GJITHASHTU: 

• KFOR: Po shqyrtojmë kërkesën e Serbisë për kthimin e trupave në Kosovë
• Vrasja në Tiranë, 49-vjeçari me precedentë penal, i dënuar në Greqi për drogë
• Shqiptari ‘mahnit’ grekët, Imeri: Nuk e mohova kombësinë, krenar që jam shqiptar