Derbi i kryeqytetit Partizani-Tirana do të luhet në “Air Albania Stadium”

Klubi i Partizanit ka konfirmuar se derbi i kryeqytetit, Partizani-Tirana do të luhet në “Air Albania Stadium”.

Pas ndeshjes mes Shqipërisë dhe Francës, Partizani-Tirana do të jetë ndeshja e radhës që do të luhet në “Air Albania Stadium”, e cila përkon me ndeshjen e parë të Kategorisë Superiore që do të zhvillohet në këtë impiant.

Klubi i Partizanit më herët kërkoi ta shfrytëzojë këtë përballje për t’i ardhur më tepër në ndihmë të prekurve nga tërmeti ,duke dashur të tregojë dhe njëherë solidaritetin e botës së futbollit me ngjarjet tragjike që përfshinë Shqipërinë.