Berisha për amnistinë fiskale: Rama po sfidon çdo shqiptar dhe ndërkombëtarët

Kryetari i Partisë Demokratike, Sali Berisha ka hedhur akuza në drejtim të kryeministrit Edi Rama, në lidhje me projekligjin për aministinë fiskale.

Në një deklaratë për mediat nga selia blu, Berisha u shpreh se Rama po sfidon çdo shqiptar dhe ndërkombëtarët, duke mbështetur amnistinë.

“Edi Rama u servir shqiptarëve çdo ditë, në qëndrime, vendime dhe ligje, interesat e krimit, mafias dhe të klanit të tij personal. Duke bërë avokatinë e këtyre interesave, Edi Rama vret çdo ditë shpresën e shqiptarëve, errëson dritën në të ardhmen e tyre dhe për të ardhmen e tyre. Në kundërshtim flagrant me interesa të çdo qytetari shqiptar, dhe për llogari të klanit të tij mafioz dhe të krimit të organizuar shqiptar, ai sfidon çdo shqiptar dhe mbarë komunitetin ndërkombëtar me projektin e amnistisë fiskale, çka do të thotë një mbështetje e fuqishme e organizatave kriminale shqiptare, jo vetëm në Shqipëri, por në mbarë botën.

Çfarë do të thotë, një proces gjigant dhe i paparë ndonjëherë i larjes së parave të krimit me procedura ligjore nga Shqipëria. Çka do të thotë fuqizim i madh i organizatave kriminale dhe mafies shqiptare në rajon, në Europë dhe në botë. Çka do të thotë, injorim tërësor i çdo forme të lirë konkurrence, një goditje fatale për biznesin e ndershëm shqiptar”, theksoi kryedemokrati.

Ditën e djeshme, në mbledhjen vjetore të Këshillit Koordinues të Diasporës, kryeministri Edi Rama tha se amnistia fiskale duhet të ishte bërë më herët, pasi garanton formalizimin e të ardhurave të emigrantëve.

LEXONI GJITHASHTU

• Dita e Diasporës, Rama: Amnistia fiskale duhet të ishte bërë më herët
• ‘S’ka presione, por rekomandime’, Balla: Do nxjerrim draft final me BE për amnistinë
• ‘Pyesni Ramën për amnistinë’, ambasadorja e BE-së: Jemi ende në bisedime për draftin