Shtino: Më mbyllën “Njerëz të humbur” dhe asnjë televizion nuk më hapi derën

Moderatorja Aida Shtino është emocionuar në emisionin “Good Morning Albanians” në Euronews Albania, ndërsa kujtoi momentin e mbylljes së emisionit “Njerëz të humbur”.

Ajo tha se arsyeja e mbylljes, sipas asaj që i kishin thënë, ishte buxheti. Ndërsa me lot në sy theksoi se për këtë emision asnjë televizion nuk ia hapi derën.

“Ka qenë viti 2014 dhe dalë nga emisioni e lumtur sepse kishim gjetur tre persona. Të nesërmen më thirrën në drejtori dhe më thanë që emisioni do të mbyllet. U thashë kush është arsyeja dhe më thanë se nuk kanë buxhet. Nuk e besoj se ka qenë për shkak të buxhetit, sepse emisioni kishte sponsor për arsye se ishte shumë i ndjekur. Ka qenë shumë i vështirë ai moment. Pas TVSH asnjë televizion tjetër nuk më hapi dyert. Habitem se askush s’ma hapi derën për emisionin, sepse ne kishim krijuar strukturat tona në çdo shtet. Kishim korrespondent që ne nuk paguanim, punonin vullnetarisht”- tha ajo.

LEXONI GJITHASHTU: 

• Zjarr pranë fushës së mbetjeve në Vlorë, gjithë zona mbulohet nga tymi
• Aida Shtino: I rikthehem shpesh emisionit “Njerëz të humbur”, më mungon shumë
• Daçiç: Çekia s’do ta vendosë në procedurë kërkesën e Kosovës për anëtarësim në BE